මුතු සැඟවූ මහ සයුරෙහි කුස ගැබෙනී
දියතෙහි උපන් සිඟිතිය ලංකා රැජිනී
රන් මිණි ඔටුනු හිස ලූ සුන්දර රැජිනී
නැළවෙයි දිනෙන් දින පරදා රූ රැජිනී.............
හාවෙනු සිතා ගුවනට දෑතම පාන
මහ කඳු හිසෙන් රූටා දස්කම් පාන
භූ මව් තෙමා මහ වැව් පුරවා වාන
දිය රැල් පනී පහළට විගසින් පීන................
මහ වැව් බැඳි පුරය රජරට රූ ලෙළනා
සුවිසල් මහා දා ගැබ් අහසට එබෙනා
දෑතින් උපන් පිළිරූ කැටයම් රුවිනා
වෙනතක් බලනු බැහැ දෑසෙහි වූ තුටිනා...............
බුදු බණ සුවඳ පැතිරෙයි මැදුරෙන් දළදා
සාමුව සතන් කැළ නිති සරනා ලන්දා
ඵලබර වසන්තය මල් බර රුක් හින්දා
සීගිරි ලියන් වෙති පර්වත හිස රන්දා
0 අදහස්:
Post a Comment