මම ඇගෙ ආදරෙන් මත් වී සිටි අතරේ
නිදි දෙව්දුවත් මා හැර වෙනතක වැතිරේ
රස පෙම් හැඟුම් දැන් මගෙ සිත තුල ඉතිරේ
මා පිනවමින් ඇගෙ රුව දස අත පැතිරේ
ඔබගෙත් මගෙත් කුලුඳුල් පෙම නොවුනාවේ
ඒ මතකයන් අප දෙසිතෙන් මැකුනාවේ
අපි ඉමු ලංව කාලය ඔහෙ ගෙවුනාවේ
කොයි විදියකින්වත් අපි වෙන් නොවුනාවේ
හැකි හැම විටම දෑඟිලි පටලා ඉන්න
ඔබෙ මුව කමල අත ගා සිත සනසන්න
ඔබ හා එක්ව ගං ඉවුරක ඇවිදින්න
ආසයි සොඳුර ඉක්මනටම මගෙ වෙන්න
අන් කිසි ලඳක් මගෙ සෙනෙහස පතනු එපා
ඔබ නැති ලොවක මව මා කුස දරනු එපා
ඔබ කිසි දිනක දුකකින් විඳවන්න එපා
මගෙ පණ ඔබ ලඟයි සොඳුරියෙ තැවෙනු එපා
0 අදහස්:
Post a Comment